Der FCB ist Meister! Zur Feier des Titels gibt’s den neuen Meistersong „12 gege 11“. Den Song zum anhören und zum mitsingen findest du hier.

Text – 12 gege 11

+++ FETCH +++
Tauli, hau mi, mach uns dr dr Zizou.
Jede Kopfstoss vo dir, isch wien e Bisou.
Dr Shaq isch Papscht, du dr Schutzpatron.
Heilige St. Tauli, unsri Stadt, unsre Sohn.
Dasch für jede und jedi, wo sich verrisse hett.
Wo acht Joor abgooht, mit dr glitte hett.
Au uf Talfahrt dankbar – nie verbittered.
Dasch dr Sunneschyyn nach em Gwittere.
Dasch Rotblau 4 life wenn dr ganz Barfi schreyt:
Merci Michi Lang, merci Fabi Frei!
Merci Dani Stucki, Dome und Dave.
Bring dä Kübel, starte mr dä Rave.

+++ ABART +++
Fertig verneigt, zrugg ufem Thron.
Trüebsal good bye, die breit Brust wieder do.
Drum Dave Chapeau hesch dr Shaq zruggholt.
D Brugg zur Region cha mit Druck umgoh.
Ändlich – s het kei Tram meh Platz.
D Fans dränge sich ufe Barfüesserplatz.
Dr Funke springt über, s Füür grad entfacht.
Weder Leu no Mutz – nur dr Drache isch Macht.
Dr Taulant dankt ab, Applaus vo dr Stadt.
Dr Lohn für Treui – ä rotblaui Nacht.
Sinn cho und gange, du bisch bliebe
und zrugg ufem Balkon – gniess es Digge!
Tauli, loss dr Gaischt us dr Fläsche.
Dr Basilisk – isch zrugg us dr Äsche.
Fighte – Grätsche – Maischter – Wälle.
E Titel wie dä wird wohl keine vergässe.
Fabio, loh dr Gaischt us dr Fläsche,
Die letzte paar Johr so viel Scheisse scho gfrässe,
Fighte – Grätsche – Maischter – Wälle.
Dr Titel im Sack und e maischterlichs Lächle.

+++ ZITRAL +++
1 Gool 2 Gool 3 Gool vier.
FCB isch zrugg jetzt – Basel gratuliert.
Tauli dr Vatter – Shaqiri das Tier.
Die andre wyt wäg wiidr – ich kondulier.
Dass isch mi Basel – heb schnäll mi Bier.
Eimol Ball beriehert – Exempel statuiert.
Lang ischs gange, Buebe gniesset dr Lohn.
Alli uffe Barfi – mir sinn zrugg uffm Thron.
Vrglemmi tuet s guet, wiidr ay wie isch das scheen.
Wemmer dure Näbel uffm Balkon d Buebe tanze gsehn.
Aigeni Liiga wiidr – so wie sich das ghört.
Däge alles richtig gmacht – kaine meh empört.

+++ KUSH KARISMA +++
Am Meiste Goal, am wenigste beko.
Dr Pokal, für Blau Rot, für die ganzi Region.
Nach wilde Zyte wie bim siege in Floränz
Hämmer ändlich widrmol dr el Titel in de Händ
Vom Hitz zum Ajeti, zum hinterletzt Bebbi.
Die Mannschaft macht die ganz Stadt jetzt happy.
Kein blibt uf dr strecki, kade, schmid, traore.
Und choreos vom 12. sorge wie immer für Furore.
Halb blau, halb rot, me schreyt und me tobt.
Blyb besser dehei seit mi Kardiolog.
Doch hütt gits dr Lohn: alli zämme uf em Barfi feschte.
Mir sinn wieder z’oberscht vo dr Nahrigsketti.
Refrain

+++ LAFA +++
21 mol e Traum wo wohr worde isch.
S lächle stoht uns im Gsicht, das ischs Joor vome Switch.
Zauber in dr Luft – das alles cha passiere.
Dank goht an Shaqiri und dr Fabio Celestini.
Ich will rotblau Erfolg uf jedem Titelblatt.
Sie hän nüt – mir hän Bluet, Schweiss und Liideschaft.
So wie Schämpi-Verpackig, mir risse ab.
Bis jede Söldner erkennt: mir sind 12 gege 11.
Letzt Joor stönd mr ufem 8. Platz.
Jetzt gönd Füscht ind Luft, damals Füscht im Sack.
Erfolg isch nid alles und die Krise sinds wärt.
Wel am Schluss gohts um Identität.

+++ JRG +++
Uslender, Schwizer, blond oder d’Hoor grau.
Bish du us Basel? Denn bish du für Rotblau!
Blockpresident weil me dich in de Gosse kennt.
Tauli Të dua du bish für uns e Stroosseheld.
Kleibasel – St. Jones – Gundeli – Barfi.
Meisterfyyr – Papa Joes – ume syy – Party.
Lang hemmer glitte lang hemmer gwartet.
Liebi und Treui – alles für Basel.
Tauli, loss dr Gaischt us dr Fläsche.
Dr Basilisk – isch zrugg us dr Äsche.
Fighte – Grätsche – Maischter – Wälle.
E Titel wie dä wird wohl keine vergässe.
Fabio, loh dr Gaischt us dr Fläsche,
Die letzte paar Johr so viel Scheisse scho gfrässe,
Fighte – Grätsche – Maischter – Wälle.
Dr Titel im Sack und e maischterlichs Lächle.